საზოგადოება
15.12.2023 13:25
საქართველოსთვის ევროკავშირის წევრობის კანდიდატის სტატუსის მინიჭებასთან დაკავშირებით, გორში საქართველოს და ევროკავშირის დროშები გამოიფინა
საქართველოსთვის ევროკავშირის წევრობის კანდიდატის სტატუსის მინიჭებასთან დაკავშირებით, მუნიციპალიტეტის მასშტაბით, საქართველოს და ევროკავშირის დროშები გამოიფინა.
გორის მერიის ორგანიზებით, დროშები განთავსდა ქალაქის ქუჩებში, ადმინისტრაციულ შენობებზე, ისტორიულ ძეგლებზე და საცხოვრებელი კორპუსების აივნებზე.
საქართველოს მთავრობის მეთაურის ირაკლი ღარიბაშვილის ინიციატივით, ისტორიული ფაქტის - კანდიდატის სტატუსის მინიჭების აღნიშვნასთან დაკავშირებით, მთავარი საზეიმო ღონისძიება 17:00 საათზე დედაქალაქში გაიმართება.
