გორის ხელოვნების სახლი ფირის ფოტოგრაფიით და დაზგური გრაფიკის ექსპერიმენტული ტექნიკებით დაინტერესებულ პირებს ვორქშოფში მონაწილეობის მისაღებად იწვევს.

ორგანიზაციის მიერ გავრცელებული ინფორმაციით, მონაწილეებს ფოტოგრაფი ტატო წიქარიძე ფირის ფოტოგრაფიის ნიუანსებს გააცნობს. მსმენელი დაზგური გრაფიკის სპეციალისტების დამხარებით, ფოტოებზე დაყრდნობით შექმნის და ექსპერიმენტულ ნამუშევრებს დაბეჭდავს.

 „ვორქშოფში მონაწილე პირები ხატვის მინიმალურ უნარებს უნდა ფლობდნენ და ჰქონდეთ ფოტოკამერა. ყველა სხვა საჭირო მასალით მათ ორგანიზაცია უზრუნველყოფს. თუ გინდა ამ თავგადასავალში შემოგვიერთდე შეავსე ფორმა, გამოგვიგზავნეთ თქვენი ნამუშევრები და გავერთოთ", - აღნიშნულია ინფორმაციაში.

ცნობისთვის, აქტივობა 17 დეკემბერს, 11:00 საათზე დაიწყება და გორის ხელოვნების სახლში ჩატარდება. დაინტერესებულმა პირებმა განაცხადი ელექტრონულად: docs . google . com /… / 1FAIpQLSfQmA4bb8Nnae … / viewform უნდა შეავსონ.