საზოგადოება
13.12.2023 14:15
სასოფლო-სამეურნეო საქმიანობის ხელშეწყობის მიზნით, დევნილებსა და ეკომიგრანტებს ტექნიკა და დანადგარები გადაეცემათ
სასოფლო-სამეურნეო საქმიანობის, სურსათის წარმოებისა და გადამუშავების ხელშეწყობის მიზნით დევნილ და ეკომიგრანტ 93 პირს ტექნიკა და დანადგარები გადაეცემათ.
დევნილთა, ეკომიგრანტთა და საარსებო წყაროებით უზრუნველყოფის სააგენტო შიდა ქართლში მცხოვრებ იძულებით გადაადგილებულ პირებს, მათივე მოთხოვნის შესაბამისად, ხელის ტრაქტორებს, სასოფლო-სამეურნეო აგრეგატებსა და მრავალწლიანი კულტურის ნერგებს ხვალ, გორში გადასცემს.
როგორც სააგენტოში აცხადებენ, პროგრამის მთავარ მიზანს, სახელმწიფოს მიერ საცხოვრებლით უზრუნველყოფილი დევნილებისა და ეკომიგრანტების ინტეგრაციის ხელშეწყობა და მათთვის შემოსავლის წყაროს გაჩენა წარმოადგენს.
ცნობისთვის, საგრანტო პროგრამის გამარჯვებულები კომისიამ წინასწარ დადგენილი კრიტერიუმების შესაბამისად გამოავლინა.
