საზოგადოება
06.12.2023 15:37
თვითდასაქმების ხელშეწყობის მიზნით, დევნილებს და ეკომიგრანტებს ტექნიკა და ხელსაწყოები გადაეცემათ
დევნილებს და ეკომიგრანტებს თვითდასაქმების ხელშეწყობის მიზნით ტექნიკა და ხელსაწყოები გადაეცემათ.
როგორც დევნილთა, ეკომიგრანტთა და საარსებო წყაროებით უზრუნველყოფის სააგენტოში აცხადებენ, საგრანტო პროგრამის მიზანს იძულებით გადაადგილებული პირების პროფესიული საქმიანობის მხარდაჭერა და მათთვის შემოსავლის წყაროს გაჩენა წარმოადგენს.
„დევნილებმა და ეკომიგრანტებმა სახელობო იარაღები, რაც მათ საქმიანობის წამოწყებასა თუ გაფართოებაში დაეხმარებათ, თავადვე შეარჩიეს. ამ ეტაპზე, კომისიამ, წინასწარ განსაზღვრული კრიტერიუმების შესაბამისად, 365 გამარჯვებული გამოავლინა. პროგრამაში ჩართვა პროფესიული სასწავლებლების კურსდამთავრებულ იძულებით გადაადგილებულ პირებს და იმ დევნილებს და ეკომიგრანტებს შეეძლოთ, რომლებიც პროფესიულ საქმიანობას ეწევიან“, - აცხადებენ სააგენტოში.
პროგრამის ფარგლებში განაცხადების მიღება ყოველწლიურად ცხადდება.
