დაახლოებით 760 ფრენა გაუქმდა მიუნხენის აეროპორტში ძლიერი თოვის გამო, - ამის შესახებ ინფორმაციას CNN-ი აეროპორტის სპიკერზე დაყრდნობით ავრცელებს.

პა­რას­კევს და შა­ბათს ღა­მით მი­უნ­ხენ­ში თოვ­ლის სა­ფარ­მა 40 სმ-ს გა­და­ა­ჭარ­ბა.

მიუნხენის საზოგადოებრივი ტრანსპორტის კომპანიის ცნობით, თოვლის გამო შეჩერებულია ავტობუსები, ტრამვაი და ზოგიერთი მატარებლის მოძრაობა.

გერმანიის ეროვნული სარკინიგზო კომპანია Deutsche Bahn-ის ინფორმაციით, მიუნხენის მატარებლების ცენტრალურ სადგურში საქალაქთაშორისო მიმოსვლა მთლიანად შეჩერებულია.

როგორც Süddeutsche Zeitung-ი იტყობინება, ამ ვითარებაში,  უამრავი მოგზაური დარჩა მიუნხენის მთავარ სადგურზე.

ამინ­დის გაუარესების გამო, მი­უნ­ხე­ნის ბა­ი­ერნ­სა და ბერ­ლი­ნის უნი­ონს შო­რის სა­ფეხ­ბურ­თო მატ­ჩიც გა­და­ი­დო. 

სინოპტიკოსების ცნობით, თოვა და დაბალი ტემპერატურა ბავარიაში კიდევ რამდენიმე დღის განმავლობაში შენარჩუნდება.

გერმანიის გარდა, ამინ­დის გა­უ­ა­რე­სე­ბის გამო, რამ­დე­ნი­მე­სა­ა­თი­ა­ნი შე­ფერ­ხე­ბა იყო ლონ­დო­ნის, ვე­ნი­ს, ცი­უ­რი­ხის და დუბლინის აე­რო­პორ­ტებ­შიც.