„ქარსაფარი ზოლების რეაბილიტაცია-გაშენება დიდ ფინანსურ ხარჯებთანაა დაკავშირებული. შესაბამისად, აუცილებელია დონორი ორგანიზაციების ჩართულობა და შემდეგ გაშენებული ზოლების დაცვა, რასაც ქარსაფარი ზოლების მართვის პოლიტიკის კანონპროექტი დაარეგულირებს. 2018-2019 წლებში, IFAD-ის დახმარებით, გორში 15 კმ. და ქარელში 10 კმ. ქარსაფარი ზოლი გაშენდა. გლობალური გარემოსდაცვითი ფონდის ფინანსური მხარდაჭერით კი, დედოფლისწყაროს მუნიციპალიტეტში 6,5 კმ და გარდაბნის მუნიციპალიტეტში 6 კმ ქარსაფარი ზოლის აღდგენა-რეაბილიტაცია განხორციელდა“, - ნათქვამია გარემოსდაცვითი ინფორმაციისა და განათლების ცენტრის განცხადებაში.

აღნიშნული კანონპროექტი საქართველოს პარლამენტს დასამტკიცებლად უახლოეს მომავალში გადაეგზავნება.