საზოგადოება
17.11.2023 12:47
გერმანიის ბუნდესტაგმა საქართველო უსაფრთხო ქვეყნების სიაში შეიყვანა - რას ცვლის ბუნდესტაგის ეს გადაწყვეტილება თავშესაფრის მაძიებლებისთვის
ხმათა უმრავლესობით, გერმანიის ბუნდესტაგმა მხარი დაუჭირა საქართველოს და მოლდოვას უსაფრთხო ქვეყნების სიაში შეყვანას.
გერმანიის შინაგან საქმეთა მინისტრის ნენსი ფეზერის განცხადებით, აღნიშნული გადაწყვეტილება არალეგალური მიგრაციის შეზღუდვისკენ გადადგმული მნიშვნელოვანი ნაბიჯია.
,,ეს არის კიდევ ერთი მნიშვნელოვანი ნაბიჯი არალეგალური მიგრაციის შეზღუდვისკენ. დასაქმებულთა კვალიფიციური იმიგრაციის უზრუნველყოფა და ამით სტიმულის შექმნა, რათა მომავალში საქართველოს და მოლდოვის მოქალაქეებმა არ წარადგინონ უიმედო თავშესაფრის განაცხადი გერმანიაში" - განაცხადა ფეზერმა.
გერმანიის მიგრაციისა და ლტოლვილთა ფედერალური სამსახური ვარაუდობს, რომ საქართველოსა და მოლდოვის მოქალაქეებს, საკუთარ ქვეყნებში დაბრუნებისას, არ ემუქრებათ არაადამიანური მოპყრობა, დევნა ან სხვა სახის სერიოზული პრობლემები.
