გორის მუნიციპალიტეტის კიდევ ორმა საჯარo სკოლამ განათლების ხარისხის ეროვნულ ცენტრში ავტორიზაცია გაიარა და ავტორიზებული სკოლის სტატუსი მოიპოვა.

ზოგადსაგანმანათლებლო დაწესებულებების ავტორიზაციის საბჭოს გადაწყვეტილებით, გორის მუნიციპალიტეტის ავტორიზებული საჯარო სკოლების რიცხვს სოფლების - ფხვენისის და ტინისხიდის საჯარო სკოლები შეემატა.

როგორც „გორის მაცნესთან“ საუბრისას გორის საგანმანათლებლო რესურსცენტრის დირექტორმა ნანა ტერმაკოზაშვილმა აღნიშნა, მუნიციპალიტეტის მასშტაბით 11 სკოლა:  გორის №2, №5, №7, №9, სოფელების - შინდისის, ტყვიავის, ზერტის,  საქაშეთის,  ხელთუბნის, ტინისხიდის და ფხვენისის საჯარო სკოლები  ავტორიზებული საჯარო სკოლის სტატუსს უკვე ატარებენ.

სტატუსის მისაღებად კი პროცესები გორის მუნიციპალიტეტის მასშტაბით კიდევ ოთხ საგანმანათლებლო დაწესებულებაში - ბნავისის, ხიდისთავის, სკრის და ქერეს საჯარო სკოლებში მიმდინარეობს და წლის ბოლომდე უნდა დასრულდეს.

შეგახსენებთ, განათლების ხარისხის ეროვნული ცენტრი საქართველოში წელს პირველად ახორციელებს საჯარო სკოლების ავტორიზაციას.