ეროვნულ სასწავლო ოლიმპიადაში მონაწილეობის მისაღებად მსურველთა რეგისტრაცია მიმდინარეობს.

შეფასებისა და გამოცდების ეროვნული ცენტრის ინფორმაციით, ოლიმპიადა სამ ტურად ჩატარდება.

დაინტერესებულმა პირებმა რეგისტრაცია ელექტრონულად ol – reg . naec . ge /register უნდა გაიარონ.

 პროცესი 14 ნოემბრის 18:00 საათამდე გაგრძელდება.

„ოლიმპიადაში მონაწილეობის უფლება აქვს თითოეულ საგანში/საგნებში განსაზღვრული კონკრეტული ასაკობრივი ჯგუფის (X-XII კლასები) მოსწავლეს, თუმცა, სურვილის შემთხვევაში, საბაზო საფეხურის ნებისმიერ მოსწავლესაც. რაც შეეხება მსურველებს, რომლებსაც ცენტრის მხრიდან სპეციფიკური გარემოს/პირობების შექმნა ესაჭიროებათ, შესაბამისი სამედიცინო ცნობა (ფორმა №100) ცენტრში 14 ნოემბრის18:00 საათამდე უნდა წარმოადგინონ“, - აღნიშნულია ინფორმაციაში.

ცნობისთვის, ეროვნული სასწავლო ოლიმპიადა ყოველ წელს ტარდება. ღონისძიების მიზანს მოსწავლეებში მოტივაციის ამაღლება და იმ ნაკრებებისთვის კანდიდატების გამოვლენა წარმოადგენს, რომლებიც საერთაშორისო ოლიმპიადებზე საქართველოს სახელით გაემგზავრებიან.