გორში „დიმიტრი ყიფიანის სახელობის საინიციატივო საზოგადოების“ მიერ განხორციელებული პროექტის „ახალგაზრდები წინაპართა ნაკვალევზე“ დაჯილდოების ცერემონია გაიმართა.

ორგანიზატორების ინფორმაციით, ღონისძიების მიზანს ისტორიული მოვლენების გრაფიკული ვიზუალიზაცია წარმოადგენდა.

მონაწილეებმა საკუთარი ნამუშევრები წარადგინეს. მათგან ჟიურიმ სამი საუკეთესო ნაშრომის ავტორი გამოავლინა და ვაუჩერებით დაასაჩუქრა, ხოლო ორი მონაწილე ბაკურიანის ბანაკის საგზურის მფლობელი გახდა.

„აღნიშნულ პროექტში მონაწილეების აქტიურობამ, ჩართულობამ და დაინტერესებამ მაქსიმუმს მიაღწია. უღრმესი მადლობა ყველა მონაწილეს აქტიურობისთვის. დიმიტრი ყიფიანის საზოგადოება გისურვებთ წარმატებებს“, - აღნიშულია ინფორმაციაში.

ცნობისთვის, პროექტის „ახალგაზრდები წინაპართა ნაკვალევზე“ ჯული როსტომაშვილის კოორდინატორობით ჩატარდა.