შოთა ჩოჩიშვილის სახელობის გორის კომპლექსური სპორტული სკოლის ფრენბურთელებმა თბილისის გუნდებთან ამხანაგური შეხვედრები გამართეს.

შეჯიბრი ორ ასაკობრივ კატეგორიაში ჩატარდა.

გორის მუნიციპალიტეტის სპორტის განვითარებისა და ხელშეწყობის სააგენტოს ინფორმაციით, 2008-2009 წწ. დაბადებულებს შორის შეხვედრა გორის გუნდის სასარგებლოდ, ანგარიშით 2:0 დასრულდა.

რაც შეეხება 2009-2010 წწ. ასაკობრივ კატეგორიას, მცირე სხვაობით - 1:0, თბილისის გუნდმა გაიმარჯვა.

ცნობისთვის, გორელთა გუნდის მწვრთნელები თინა ფსუტური და ნინო სირაძე არიან.