საქართველოს მთავრობის გადაწყვეტილებით, მომავალი წლიდან ჯანდაცვის პროგრამების დაფინანსება იზრდება. პროექტი პენსიონერების ქრონიკული დაავადებების სამკურნალო მედიკამენტებით უზრუნველყოფას ითვალისწინებს. სოციალური შეღავათით, დაახლოებით, 400 000 პენსიონერი ისარგებლებს.

„გარდა იმისა, რომ პენსიონერებს გავუზარდეთ პენსია 500 ლარამდე, ქრონიკული დაავადებების მქონე პენსიონერები, 2024 წელს უფასოდ მიიღებენ მედიკამენტებსაც და ჩვენ ამ ტენდენციას შევინარჩუნებთ. ასევე, დაიწყება ონკოლოგიურ პაციენტთა ადრეული კვლევების დაფინანსება, რაც საკმაოდ დიდ დანახარჯებთან არის დაკავშირებული. მოგეხსენებათ, ჯანდაცვის სამინისტრომ მნიშვნელოვანი ცვლილებები განახორციელა მედიკამენტების გაიაფების კუთხითაც. რა თქმა უნდა, ჩვენ ამ პროცესს კიდევ უფრო მეტად გავაკონტროლებთ და გავაუმჯობესებთ“, - განაცხადა პრემიერმა.