სამართალი
23.02.2020 15:02
ტირძნისთან მომხდარი ავარიის შედეგად ორი ახალგაზრდა დაშავდა
რამდენიმე წუთის წინ, გორის რაიონში, სოფელ ტირძნისთან მომხდარი ავტოსაგზაო შემთხვევის შედეგად ორი ახალგაზრდა დაშავდა. დაშავებულები გორში, კლინიკა ,,გორმედში“ გადაიყვანეს. ექიმ დავით ღვინიაშვილის განცხადებით, ორივე პაციენტის - ახალგაზრდა მამაკაცის და ახალგაზრდა ქალის ჯანმრთელობის მდგომარეობა სტაბილურია.
ახალგაზრდა მამაკაცს ამბულატორიული დახმარება გაეწია და კლინიკა უკვე დატოვა. 25 წლის ქალს, კი, რომელსაც ლავიწის ძვლის მოტეხილობა აღენიშნება, ოპერაცია ჩაუტარდება.
გორი-ერგნეთის საავტომობილო გზის ტირძნისის მონაკვეთზე მოძრავი მიკროავტობუსი გზის სავალი ნაწილიდან გადავიდა და გადაბრუნდა.
მომხდარ ფაქტზე დაწყებულია გამოძიება.
