სპორტი
30.10.2023 14:57
სასკოლო სპორტული ოლიმპიადის ფარგლებში, გორში, გეზრბენში შეჯიბრება გაიმართა
სასკოლო სპორტული ოლიმპიადის ფარგლებში, გეზრბენში შეჯიბრი გაიმართა. ღონისძიებაში გორის მუნიციპალიტეტის 28 საჯარო სკოლა მონაწილეობდა.
გოგონათა შორის მეჯვრისხევის (მასწავლებელი: იზოლდა ძოძიშვილი), ხიდისთავის (მასწავლებელი: ჯემალ ყველაშვილი) და შინდისის (მასწავლებელი: ანტონ თარხნიშვილი) სკოლამ გაიმარჯვა.
რაც შეეხება ვაჟებს, ვაჟებს შორის საუკეთესო შედეგი გორის მეხუთე (მასწავლებელი: ზურაბ გიუნაშვილი), ძევერის (მასწავლებელი მიხეილ მაკრახიძე) და მეღვრეკისის (მასწავლებელი: როინ შატაკიშვილი) საჯარო სკოლებმა დააფიქსირეს.
შეგახსენებთ, სასკოლო სპორტული ოლიმპიადის ფარგლებში, გეზრბენის გარდა, სკოლებს შორის პირველობა ფრენბურთშიც ჩატარდა.
სასკოლო სპორტული ოლიმპიადა მთელი საქართველოს მასშტაბით ტარდება. გორის მუნიციპალიტეტში შეჯიბრება სპორტის განვითარებისა და ხელშეწყობის სააგენტოს ორგანიზებით იმართება.
