გორი, ძიუდოში ჭაბუკთა შორის, ანზორ ქიბროწაშვილის ხსოვნის მემორიალურ ტურნირს უმასპინძლებს.

შეჯიბრება გორის მუნიციპალიტეტის სპორტის განვითარებისა და ხელშეწყობის სააგენტოს და გურამ პაპიტაშვილის სახელობის ჭიდაობის კომპლექსური სპორტული სკოლის ორგანიზებით გაიმართება.

ორგანიზატორების ინფორმაციით, ტურნირში მონაწილე სპორტსმენები პირველობისთვის ერთმანეთს 8 წონით კატეგორიაში (46 კგ; 50კგ; 55 კგ; 60 კგ; 66 კგ; 73 კგ; 81 კგ; +81 კგ.) დაუპირისპირდებიან.

ანზორ ქიბროწაშვილის ხსოვნის მემორიალური ტურნირი 28 ოქტომბერს გორის სპორტის სასახლეში ჩატარდება. ასპარეზობა 11:00 საათიდან დაიწყება

ცნობისთვის, ქიბროწაშვილი ქართული ძიუდოს ისტორიაში პირველი ევროპის ჩემპიონი (კარიერაში ორგზის ევროპის ჩემპიონი), მსოფლიოს ვიცე-ჩემპიონი, არაერთი შეჯიბრის გამარჯვებული და საერთაშორისო კატეგორიის მსაჯი იყო. სპორტსმენი 2008 წელს გარდაიცვალა.