ავთანდილ შოშიაშვილის სახელობის გორის კრივის სკოლის მოკრივეებმა, ახალციხის მერიის თასზე 9 მედალი მოიპოვეს.

გორელთაგან შეჯიბრის პირველი ადგილის მფლობელები საბა დვალიშვილი (36 კგ.), თემურ პავლიაშვილი (54 კგ.), ლევან ამირეჯიბი (57 კგ.) და ლუკა გოგიაშვილი (63 კგ.) გახდნენ.

რაც შეეხება მეორე ადგილს, გიორგი კოვზიაშვილმა (36 კგ.), ლუკა ქიტუაშვილმა (46 კგ.), ზურაბ ნიქაბაძემ (52 კგ.), მალხაზ კანდელაკმა (63 კგ.) და გიორგი მეგრელიშვილმა (66 კგ.) დაიკავეს.

შეჯიბრში საქართველოს სხვადასხვა რეგიონის 80-მდე მოკრივე მონაწილეობდა. სპორტსმენები პირველობისთვის ერთმანეთს სამ ასაკობრივ კატეგორიაში (2007-2008, 2010-2011 და 2012-2013 წწ.) დაუპირისპირდნენ.

ტურნირის სუპერვაიზერი ავთანდილ შოშიაშვილი, მდივანი კი გიორგი კობახიძე გახლდათ.