საზოგადოება
23.10.2023 13:34
„ვარდისფერი ოქტომბერის“ ფარგლებში, გორში ქალებისთვის აქცია მიმდინარეობს
კამპანია „ვარდისფერი ოქტომბერის“ ფარგლებში, გორში ქალებისთვის აქცია ამ წუთებში მიმდინარეობს.
საკრებულოს შენობის წინ, მოედანზე (სტალინის ქ. 16) მოძრავ ამბულატორიულ ავტომობილში, კვალიფიციური ექიმების მეთვალყურეობით, ქალები მამოგრაფიას, პაპტესტს და კოლპოსკოპიას უფასოდ იტარებენ.
უფასო სკრინინგი „ქართული ოცნების“ შიდა ქართლის ქალთა ორგანიზაციის ორგანიზებით და ინიციატივით ტარდება.
სამედიცინო გადასინჯვების აქციაში მონაწილეობა ყველა მსურველს შეუძლია და 24 ოქტომბრის ჩათვლით გაგრძელდება.
შეგახსენებთ, ოქტომბერი ძუძუს კიბოს ცნობადობის ამაღლების საერთაშორისო თვეა და „ვარდისფერ ოქტომბრად“ იწოდება. კამპანია კი მიზნად ისახავს ძუძუს კიბოს სიმპტომების ნაადრევი აღმოჩენის, რეგულარული თვითშემოწმების და სკრინინგული კვლევების საჭიროების შესახებ საზოგადოების ინფორმირებას.
