საზოგადოება
23.10.2023 13:34
სოფელ ხიდისთავში, ე.წ. ჩინეთისუბანში ასფალტიანი გზა მოეწყო
გორის მუნიციპალიტეტის სოფლებში შიდა გზების მოწყობა გრძელდება. ადგილობრივი თვითმმართველობის ინფორმაციით, ერთ-ერთი ინფრასტრუქტურული პროექტი ახლახანს დასრულდა სოფელ ხიდისთავში, ე.წ. ჩინეთისუბანში სადაც ასფალტიანი გზა მოეწყო.
პროექტის მიხედვით, ასფალტის საფარი დაიგო 494 მეტრი სიგრძის მონაკვეთზე, მოეწყო მიერთებები და ეზოებში შესასვლელები. ამასთან, გზის და საკარმიდამო ნაკვეთის დაცვის მიზნით, ერთ მონაკვეთზე მოეწყო რკინა-ბეტონის კედელი.
„ჩინეთისუბანში“ გზის ეს მონაკვეთი გრუნტიან გზას წარმოადგენდა და წლების განმავლობაში ადგილობრივებს გადაადგილების პრობლემებს უქმნიდა.
ხიდისთავში შიდა გზების მოწესრიგება ეტაპობრივად ხორციელდება და ეს პროცესი მომავალშიც გაგრძელდება“, - აცხადებენ მერიაში.
