საზოგადოება
20.10.2023 11:23
ოქტომბრის ბოლომდე გორში სტაბილური ამინდი და ტემპერატურის მატებაა მოსალოდნელი
გარემოს ეროვნული სააგენტოს ინფორმაციით, გორის მუნიციპალიტეტში მზიანი ამინდი და ტემპერატურის მატებაა მოსალოდნელი.
23 ოქტომბრის ჩათვლით, მოსალოდნელია უნალექო, უღრუბლო ამინდი, ჰაერის ტემპერატურა კი +21 გრადუსამდე მოიმატებს.
24-25 ოქტომბერს, ნავარაუდევია პერიოდულად ღრუბლიანობა და ხანმოკლე წვიმა, ჰაერის მაქსიმალური ტემპერატურა კი +19 გრადუსს მიაღწევს.
სინოპტიკოსების ინფორმაციით, 26 ოქტომბრიდან თვის ბოლომდე, გორის მუნიციპალიტეტში მოსალოდნელია პერიოდულად ღრუბლიანი, უნალექო ამინდი, ჰაერის ტემპერატურა კი +18-21 გრადუსამდე დაფიქსირდება.
