გორელი სპორტსმენი ბადრი ხატისკაცი 8 ოქტომბერს სუმოში მსოფლიოს ჩემპიონატზე მიიღებს მონაწილეობას. სპორტსმენი აბსოლუტურ წონით კატეგორიაში იასპარეზებს.

შეჯიბრება იაპონიის დედაქალაქ ტოკიოში ჩატარდება და საქართველოს ნაკრები 4 სპორტსმენით წარსგდება.

როგორც „გორის მაცნესთან“ ბადრი ხატისკაცმა განაცხადა, შეჯიბრისთვის აქტიურად ემზადებოდა და გამარჯვების იმედიც აქვს.

„მსოფლიოს ჩემპიონატის წინ, ბაკურიანში 10-დღიანი შეკრება გავიარე. მოსამზადებელი პერიოდით კმაყოფილი ვარ და ვეცდები, ჩემი მწვრთვნელის და გულშემატკივრების იმედი გავამართლო“, - აღნიშნა ხატისკაცმა

ცნობისთვის, მსოფლიოს ჩემპიონატი 7-8 ოქტომბერს ჩატარდება. შეჯიბრებაში 28 ქვეყნიდან ჩასული სუმოისტები იასპარეზებენ.

შეგახსენებთ, ხატისკაცი 2023 წელს კრაკოვში (პოლონეთი) გამართული ევროპის თამაშების ჩემპიონია.