ტრადიციული სახალხო დღესასწაული „გორის დღე - 2023“ 8 ოქტომბერს გაიმართება. ადგილობრივი თვითმმართველობის ინფორმაციით, სახალხო დღესასწაული  ერისთავის თეატრის მიმდებარედ გაიმართება და სხვადასხვა სახის კულტურულ, საგანმანათლებლო და სპორტულ სანახაობასა თუ აქტივობას მოიცავს.

ღონისძიებები 12:00 საათიდან დაიწყება და მოეწყობა „ლუდის ფესტივალი“, მუზეუმების, საგანმანათლებლო დაწესებულებების კუთხეები, ადგილობრივი მეწარმეების პროდუქციის და ხელოვანების ნამუშევრების გამოფენა-გაყიდვა, კვების ობიექტების და სოფლების კუთხეები „შემოდგომის ნობათი“, საბავშვო გასართობი სივრცეები და ატრაქციონები და ტურისტული კუთხე  „ჯიპ - ტური“.

„გორის დღე 2023“-ის ფარგლებში, ასევე გაიმართება კონცერტი ადგილობრივი შემსრულებლების მონაწილეობით (12:30  საათი).

სახალხო დღესასწაულს გალა-კონცერტი დაასრულებს. მაყურებლის წინაშე ადგილობრივ ბენდთან ერთად, მუსიკალური ჯგუფები: „ქიმერა“ და „მგზავრები“ წარსდგებიან.

გალა-კონცერტი 19:00  საათიდან დაიწყება.