ტურიზმის მსოფლიო კვირეულის ფარგლებში, სერგი მაკალათიას სახელობის გორის ისტორიულ-ეთნოგრაფიულ მუზეუმში გიგო გაბაშვილის ნამუშევრების გამოფენა გაიმართება.

ორგანიზატორების ინფორმაციით, ღონისძიების გახსნის საზეიმო ცერემონია ხვალ, 29 სექტემბერს, 14:00 საათზე გაიმართება. დამთვალიერებელს საგამოფენო სივრცეში სტუმრობა 7 ოქტომბრამდე შეეძლება.

გამოფენა გორის მუნიციპალიტეტის განვითარებისა და ტანისა და თეძმის დაცული ლანდშაფტის მართვის სააგენტოს ტურიზმის განყოფილების, შიდა ქართლის ტურისტული კავშირის „მეგზურის“, საქართველოს ეროვნული მუზეუმის და გორის მუნიციპალიტეტის კულტურის განვითარების ხელშეწყობის სააგენტოს მუზეუმების, ბიბლიოთეკების და მწერალთა სახლის განყოფილების ორგანიზებით ჩატარდება.