საზოგადოება
25.09.2023 11:55
გორის მუნიციპალიტეტის საბაზო საფეხურის წარჩინებულ კურსდამთავრებულებს კომპიუტერები გადასცეს
გორის მუნიციპალიტეტის საბაზო საფეხურის 300 წარჩინებულ კურსდამთავრებულს კომპიუტერები გადაეცა.
ადგილობრივი თვითმმართველობის ცნობით, ღონისძიება პროგრამის - „ჩემი პირველი კომპიუტერის“ ფარგლებში გაიმართა, რომლის მიზანი მოსწავლეთა მოტივაციის ამაღლება და ინფორმაციულ-საკომუნიკაციო ტექნოლოგიებზე დაფუძნებული სწავლა/სწავლების მეთოდების გაძლიერებაა.
მოზარდებს საჩუქრები კულტურის სამსახურის ხელმძღვანელმა რამაზ შიოშვილმა და საგანმანათლებლო რესურსცენტრის დირექტორმა ნანა ტერმაკოზაშვილმა გადასცეს.
დაჯილდოების ცერემონია გორის კულტურის სახლში გაიმართა.
ცნობისთვის, პროგრამა „ჩემი პირველი კომპიუტერი“ საქართველოში 2009 წლიდან ხორციელდება.
