საზოგადოება
22.09.2023 10:57
კარალეთის საბავშვო ბაღის რეაბილიტირებული შენობა გაიხსნა
გორის მუნიციპალიტეტის სოფელ კარალეთში საბავშვო ბაღის რეაბილიტირებული შენობა გაიხსნა.
ადგილობრივი თვითმმართველობის ცნობით, დაწესებულება ახალი ინვენტარით აღიჭურვა, მოეწყო გარე და შიდა სივრცეები, დამონტაჟდა ცენტრალური გათბობის სისტემა და რეაბილიტაცია ჩაუტარდა ღობეს. სკოლამდელი აღზრდის დაწესებულება 5 ჯგუფზეა გათვლილი და 150-მდე აღსაზრდელს მოემსახურება.
რეაბილიტირებული შენობის საზეიმო გახსნას გორის მუნიციპალიტეტის მერიის და სკოლამდელი აღზრდის სააგენტოს წარმომადგენლები ესწრებოდნენ.
კარალეთის პირველი ბაღის აღსაზრდელებს სასწავლო წლის დაწყება მიულოცეს ანიმატორებმა და ზღაპრის გმირებმა.
