საზოგადოება
15.09.2023 11:13
გორის მუნიციპალიტეტის საბავშვო ბაღებში სააღმზრდელო პროცესი განახლდა
დღეიდან, 15 სექტემბრიდან გორის მუნიციპალიტეტის ტერიტორიაზე მოქმედ საბავშვო ბაღებში სააღმზრდელო პროცესი განახლდა.
როგორც „გორის მაცნეს“ სკოლამდელი აღზრდის სააგენტოში განუცხადეს, წელს, მუნიციპალიტეტის მასშტაბით არსებულ ბაღებში 6 ათასამდე აღსაზრდელი ეყოლებათ, მათგან 917 სკოლამდელი აღზრდის დაწესებულებაში პირველად ჩაირიცხა.
2023-2024 სასწავლო წელს ექსპლუატაციაში შევიდა რეაბილიტირებული კარალეთის პირველი ბაღი. აღსაზრდელების პირველი ნაკადი მიიღო ხელთუბნის და საქაშეთის ახლადაშენებულ საბავშვო ბაღებმაც.
სააგენტოს ინფორმაციით, ამ დროისთვის, ბაღებში თავისუფალი დასწრების რეჟიმი მოქმედებს.
