ხალხური რეწვის ოსტატი ნანული აზიკური თემაზე - „ქართული ფარდაგის ქსოვის საფუძვლები“, გორში მასტერკლასს ჩაატარებს, - ამის შესახებ ინფორმაციას გორის განვითარების სააგენტო ავრცელებს.

სააგენტოს ცნობით, ღონისძიებაში მონაწილეობა იმ ადამიანებს შეუძლიათ, რომლებსაც ეხერხებათ ქსოვა. მსურველებმა განაცხადის ფორმა ელექტრონულად უნდა შეავსონ.

ღონისძიება დაგეგმილი იყო 19 სექტემბერს, თუმცა, გადაიდო და 2 ოქტომბერს,12:00 საათზე გაიმართება. მასტერკლასს გორის შემოქმედებითი ტურიზმის სახელოსნო (სანაპიროს №26) უმასპინძლებს.

ცნობისთვის, მასტერკლასს გორის მუნიციპალიტეტის განვითარებისა და ტანისა და თეძმის დაცული ლანდშაფტის მართვის სააგენტოს ტურიზმის განყოფილება პროექტის „ტურიზმი, მემკვიდრეობა და შემოქმედებითობა“ ფარგლებში მართავს.