სპორტი
11.09.2023 16:01
საჭადრაკო ტურნირზე „ტყიბულის თასი“ გორელმა მოჭადრაკეებმა 1 პირველი და 2 მეორე ადგილი დაიკავეს
გორელმა მოჭადრაკეებმა საჭადრაკო ტურნირი „ტყიბულის თასი“ ერთი პირველი და ორი მეორე ადგილით დაასრულეს.
გორის მუნიციპალიტეტის სპორტის განვითარებისა და ხელშეწყობის სააგენტოს ცნობით, შეჯიბრის გამარჯვებული მარიამ ჯიჯიშვილი გახდა. სპორტსმენმა 8 წლამდელთა შორის პირველობა არავის დაუთმო.
რაც შეეხება მეორე ადგილს, სააგენტოს ცნობით, 12 წლამდელებს შორის ალექსი ინაური გავიდა.
ორივე მოჭადრაკე შოთა ჩოჩიშვილის სახელობის გორის კომპლექსური სპორტული სკოლის წარმომადგენელია. მათი მწვრთნელი ციალა ქასოშვილია, რომელმაც აღნიშნულ ტურნირზე დიდებს შორის იასპარეზა და მეორე ადგილი დაიკავა.
