აგვისტოში, წინა წლის იგივე თვესთან შედარებით, ჯანდაცვის მიმართულებით ფასები 7.3 პროცენტით შემცირდა, რაც -0.72 პროცენტული პუნქტით აისახა წლიურ ინდექსზე, -  სტატისტიკის ეროვნული სააგენტოს მონაცემებზე დაყრდნობით ინფორმაციას დევნილთა, შრომის, ჯანმრთელობისა და სოციალური დაცვის  სამინისტრო ავრცელებს.

უწყების ცნობით, ფასები შემცირდა, ასევე, სამედიცინო პროდუქციის, აპარატურის და მოწყობილობის ქვეჯგუფზე (-17.6 პროცენტი).

„ივლისში, ჯანდაცვის ჯგუფში 6.9 პროცენტიანი კლება დაფიქსირდა, ამასთან, სამედიცინო პროდუქციის, აპარატურის და მოწყობილობის ქვეჯგუფში -17.3 პროცენტიანი კლება იყო. შესაბამისად, აგვისტოში სამედიცინო პროდუქცია კიდევ უფრო გაიაფდა.

სამინისტროს მიერ ფარმაცევტულ ბაზარზე განხორციელებული რეფორმების შედეგად,  ფასები მკვეთრად - 70%-მდე შემცირდა“, - ნათქვამია ჯანდაცვის სამინისტროს მიერ გავრცელებულ ინფორმაციაში.