განათლებისა და მეცნიერების სამინისტროს მიერ გავრცელებული ინფორმაციით, მიმდინარე წელს სტუდენტი 34 843 აბიტურიენტი გახდა.

2023 წლის ერთიან ეროვნულ გამოცდებზე სულ 45 000 აბიტურიენტი იყო რეგისტრირებული.

შეფასებისა და გამოცდების ეროვნული ცენტრის ინფორმაციით, 2023 წლის ერთიან ეროვნულ გამოცდებზე ყველაზე მეტი აბიტურიენტი მათემატიკასა და საბუნებისმეტყველო მეცნიერებების - ფიზიკის, ქიმიის და ბიოლოგიის გამოცდებზე ჩაიჭრა.

შეგახსენებთ, ერთიანი ეროვნული გამოცდების საბოლოო შედეგები დღეს გამოქვეყნდა. შედეგების გასაცნობად აბიტურიენტი უნდა შევიდეს ვებგვერდზე https://online.naec.ge/defonline/ შესაბამის ველში კი მიუთითოს პირადი ნომერი და ხუთნიშნა პაროლი. სისტემაში შესვლის შემდეგ, აბიტურიენტი იხილავს ინფორმაციას, თუ რომელი უმაღლესი სასწავლებლის საგანმანათლებლო პროგრამაზე მოიპოვა სწავლის გაგრძელების უფლება. პირად გვერდზე, ასევე მოცემულია ინფორმაცია სახელმწიფო გრანტის მოპოვების შესახებ.