გორთან ახლოს, გორიჯვრის სალოცავის მიმდებარედ არსებული მთის ფერდობზე გაჩენილი ხანძარი ლიკვიდირებულია, - ამის შესახებ ,,გორის მაცნეს“ შინაგან საქმეთა სამინისტროს საგანგებო სიტუაციების მართვის სამსახურში განუცხადეს.

ცეცხლი ბუჩქნარს გაუჩნდა, შეინიშნებოდა ძლიერი დაკვამლიანებაც. ადგილზე შინაგან საქმეთა სამინისტროს საგანგებო სიტუაციების მართვის სამსახურის შიდა ქართლის სამმართველოს მეხანძრე-მაშველები ამ დრომდე იმყოფებიან.

შემთხვევის ადგილთან ახლოს სასაფლაო და სოფელ გორიჯვრის დასახლებული პუნქტი მდებარეობს, თუმცა, საგანგებო სიტუაციების მართვის სამსახურის ინფორმაციით, ამ დროისთვის ხანძარი ლიკვიდირებულია და გავრცელების საფრთხე აღარ არსებობს.