შინაგან საქმეთა სამინისტრო ავტოსაგზაო შემთხვევების სტატისტიკას აქვეყნებს. უწყების  ინფორმაციით, 2023 წლის მეორე კვარტალში, 1427 საგზაო-სატრანსპორტო შემთხვევა აღირიცხა, რა დროსაც დაიღუპა 90 დადაშავდა 1850 მოქალაქე.

სტატისტიკის თანახმად, საგზაო-სატრანსპორტო შემთხვევების რაოდენობებით პირველ ადგილზეა თბილისი (706 საგზაო-სატრანსპორტო შემთხვევა).

რაც შეეხება საქართველოს რეგიონებს, იმერეთის, რაჭა-ლეჩხუმის და ქვემო სვანეთის რეგიონში ყველაზე მეტი შემთხვევა ფიქსირდება (167 შემთხვევა). შემთხვევების სიმრავლით რეგიონებს შორის მეორე ადგილზეა აჭარა - 150 საგზაო-სატრანსპორტო შემთხვევა, სამეგრელო-ზემო სვანეთი - 62, შიდა ქართლი - 64, ქვემო ქართლი -106, კახეთი-78, სამცხე-ჯავახეთი - 27, მცხეთა- 46, გურია - 21.

ინფორმაციის თანახმად, საპატრულო პოლიციის დეპარტამენტის სამოქმედო ტერიტორიაზე მომხდარი საგზაო-სატრანსპორტო შემთხვევებიდან ყველაზე მეტი, 503 შემთხვევა მოძრავი სატრანსპორტო საშუალებების მონაწილეობით საგზაო-სატრანსპორტო შემთხვევას უკავშირდება, მეორე ადგილზე კი საგზაო-სატრანსპორტო შემთხვევა/შეჯახებაა ქვეით მოსიარულეზე - 414 შემთხვევა.

ამასთან, ამავე პერიოდში 167 საგზაო-სატრანსპორტო შემთხვევაა აღრიცხული მოტოციკლეტისტის მონაწილეობით.

რაც შეეხება შემთხვევების გამომწვევ სავარაუდო მიზეზებს:

სატრანსპორტო საშუალების მართვა ალკოჰოლური სიმთვრალის მდგომარეობაში - 34;

სატრანსპორტო საშუალების მართვა ნარკოტიკული ან ფსიქოტროპული საშუალებების ზემოქმედების ქვეშ - 0;

მოძრაობის დადგენილი სიჩქარის გადაჭარბება - 80;

შემხვედრი მოძრაობის ზოლში გადასვლა ან გასწრების წესების დარღვევა - 82;

საგზაო ნიშნის ან მონიშვნის დაუმორჩილებლობა - 62;

მოძრაობის დაწყების მანევრი - 26;

მოხვევის მანევრი - 60;

მობრუნების მანევრი - 8;

უკუსვლით მოძრაობა - 14;

გზაჯვარედინის გავლის წესების დარღვევა - 28;

ქ/მ გადასასვლელის გავლის წესების დარღვევა - 58;

მგზავრთა გადაყვანის წესების დარღვევა - 2;

ტვირთის გადაზიდვის წესების დარღვევა - 1;

დისტანციის დაუცველობა - 88;

სატრანსპორტო საშუალების დგომა-გაჩერების წესების დარღვევა- 3;

განლაგების წესის დარღვევა - 1;

რკინიგზის გადასასვლელის გავლის წესის დარღვევა - 1;

სხვა სახის საგზაო მოძრაობის წესის დარღვევა - 712;