ხვალ, 3 აგვისტოს, უეფას კონფერენს ლიგის მეორე საკვალიფიკაციო ეტაპის საპასუხო შეხვედრა გაიმართება. გორის „დილა“ უკრაინის კლუბ პოლტავას „ვორსკლას“ დაუპირისპირდება.

ქართულ-უკრაინულ გუნდებს შორის მატჩი 21:00 საათზე დაიწყება. შეხვედრა თენგიზ ბურჯანაძის სახელობის გორის ცენტრალურ სტადიონზე გაიმართება.

შეგახსენებთ, „დილა“ „ვორსკლას“ 27 ივლისს დაუპირისპირდა და ანგარიშით 1:2 დამარცხდა. მატჩი პოლონეთის ქალაქ ტიხში გაიმართა.