გორის განვითარების სააგენტოს პარტნიორი ორგანიზაცია Fundacja Windmill Tree პოლონეთში (ქალაქი იელენია გორა) რვათვიან მოხალისეობრივ ESC ვაკანსიას აცხადებს.

სააგენტოს ცნობით, მოხალისეობრივი საქმიანობა საერთაშორისო პროექტებზე მუშაობას, პოლონელ და უკრაინელ ბავშვებთან საგანმანათლებლო-სახალისო აქტივობების ჩატარებას და სხვა მრავალფეროვან ღონისძიებებს მოიცავს.

რაც შეეხება პროექტის ძირითად მოთხოვნებს, პროექტში მონაწილის ასაკი განსაზღვრულია და 18-30 წელს მოიცავს. გარდა ამისა, უნდა ფლობდეს ინგლისურ ენას.

მოხალისეობრივი პროგრამა 2023 წლის სექტემბერი - 2024 წლის აპრილის განმავლობაში გაგრძელდება. მოხალისეობრივ საქმიანობაში ჩართვის მსურველებს, განაცხადის გაკეთება 4 აგვისტოს ჩათვლით შეუძლიათ. აღსანიშნავია, რომ დაფინანსდება ყველანაირი მომსახურება და მონაწილეები YouthPass სერთიფიკატს მიიღებენ.

მსურველებს დეტალური ინფორმაციის ნახვა ვებგვერდზე: shorturl. at / dgvMU შეუძლიათ.