გარემოს დაცვის ეროვნული სააგენტოს ინფორმაციით, უახლოესი დღეებიდან ნავარაუდევია ჰაერის ტემპერატურის მატება, შესაბამისად, სასურველია სპეციალისტების რეკომენდაციების დაცვა.

ჯანდაცვის სამინისტროს დაავადებათა კონტროლის და საზოგადოებრივი ჯანმრთელობის ეროვნული ცენტრი მოსახლეობას გარკვეულ რეკომენდაციებს სთავაზობს: 

• შეინარჩუნეთ სახლში და სამუშაო ადგილზე სიგრილე.

• თუ გაქვთ კონდიციონერი,დააყენეთ მისი მაჩვენებელი დაახლოებით 22 ° С და 26 ° С-ს შორის.
• დღის განმავლობაში შეამცირეთ მზის სხივებიჟალუზების ან ფარდების მეშვეობით.
• მიიღეთ დიდი რაოდენობით სითხე, მოერიდეთ ალკოჰოლს,ტკბილ და კოფეინიან სასმელებს.

• ქუჩაში გასვლისას ატარეთ ნატურალური მასალის, ღიაფერის, თავისუფალი ტანსაცმელი, ფართოფარფლებიანი ქუდი, კეპი, ან ქოლგა, და მზისგან დამცავი სათვალე. 
• მოერიდეთ ცილის მაღალი შემცველობის მქონე პროდუქტებს.  
• შეზღუდეთ მზეზე ყოფნის ხანგრძლივობა, განსაკუთრებით პიკის საათებში.
• მაქსიმალურად მოარიდეთ ბავშვები მზის მწველ სხივებს.
• გარეთ გასვლისას გამოიყენეთ მზისგან დამცავი კრემები, რომლის SPF (მზისგან დამცავი ფაქტორი) 30 და მეტია. წაისვით ის მზეზე გასვლამდე 20 წთ-ით ადრე. 
• ქრონიკული დაავადებების მქონე პირები უნდა მოერიდონ მაღალი ტემპერატურის დროს ქუჩაში სიარულს.