საზოგადოება
25.07.2023 12:23
შიდა ქართლში მცხოვრებ დევნილ ოჯახებს ფაქტობრივად დაკავებული ქონება საკუთრებაში გადაეცემათ
საქართველოს მთავრობის გადაწყვეტილებით, დევნილ ოჯახებს საკუთრებაში ქონება გადაეცემათ.
დევნილთა, ეკომიგრანტთა და საარსებო წყაროებით უზრუნველყოფის სააგენტოს ინფორმაციით, საქართველოში მცხოვრები 367 ოჯახი ფაქტობრივად დაკავებულ 409 ქონებას მიიღებს, მათ შორის, საცხოვრებელ ბინებს და როგორც სასოფლო, ისე არასასოფლო-სამეურნეო დანიშნულების მიწებს.
„დევნილებისთვის გადასაცემი ქონება თბილისში, შიდა ქართლში, ქუთაისში, დაბა ჩხოროწყუში, თელავში, მცხეთაში, ბორჯომში, ქვემო ქართლში, სამეგრელოში, იმერეთში, ბათუმსა და რაჭა-ლეჩხუმში მდებარეობს“, - აცხადებენ სააგენტოში.
