საზოგადოება
24.07.2023 14:49
გორის საგამოცდო ცენტრში უცხო ენების მასწავლებლების და მასწავლებლობის მსურველთა გამოცდის პრაქტიკული ნაწილი ჩატარდა
ერთიანი ეროვნული გამოცდები გრძელდება. დღეს, 24 ივლისს, უცხო ენების (ინგლისური, გერმანული, რუსული, ფრანგული) მასწავლებლების და მასწავლებლობის მსურველთა გამოცდის პრაქტიკული ნაწილი ჩატარდა.
როგორც „გორის მაცნესთან“ საგამოცდო ცენტრის ხელმძღვანელმა თინათინ გვერდწითელმა აღნიშნა, რეგისტრირებული 109 აპლიკანტიდან გამოცდაზე 87 გამოცხადდა.
„გამოცდაზე რეგისტრირებული 109 აპლიკანტიდან ტესტირებაზე 87 გამოცხადდა. საგამოცდო პროცესი მშვიდ ვითარებაში წარიმართა“, - განაცხადა თინათინ გვერდწითელმა.
ერთიანი ეროვნული გამოცდები ხვალ, 25 ივლისს, ლიტერატურის გამოცდით გაგრძელდება. შეგახსენებთ, ქვეყნის მასშტაბით 24 საგამოცდო ცენტრია გახსნილი
