საზოგადოება
11.02.2020 13:03
გორის მერიაში მიწის რეგისტრაციის გამარტივებული წესის შესახებ იმსჯელეს
გორის მუნიციპალიტეტის მერიაში, ადგილობრივი თვითმმართველობის თანამშრომლებისთვის შეხვედრა გაიმართა, სადაც საჯარო რეესტრის ეროვნული სააგენტოს წარმომადგენლებმა მიწის რეგისტრაციის სახელმწიფო რეფორმის ფარგლებში შემუშავებული გამარტივებული წესების შესახებ იმსჯელეს.
აღნიშნულ შეხვედრას გორის მუნიციპალიტეტის მერი, მერის წარმომადგენლები და მერიაში მოქმედი აღიარების კომისიის წევრები ესწრებოდნენ.
მიწის რეგისტრაციის გამარტივებული წესის თანახმად, 2022 წლის 1 იანვრამდე, ყოველგვარი ანაზღაურების გარეშე შესრულდება: დოკუმენტაციის მოძიება და სისტემატიზაცია, გარიგებაზე მხარეთა ხელმოწერების დამოწმება, სანოტარო მედიაცია, მიწის ნაკვეთზე საკუთრების უფლების აღიარება, ფაქტების კონსტატაცია. ასევე მომსახურების საფასურის გადახდის გარეშე დარეგისტრირდება მიწის ნაკვეთზე საკუთრების უფლება და მასში ცვლილება.
