გორში სტარტი აიღო გორის მუნიციპალიტეტის პირველობამ ფეხბურთში. ტურნირში 36 გუნდი მონაწილეობს. პირველ საშეჯიბრო დღეს ოთხი მატჩი ჩატარდა.

პირველობა ოლიმპიური სისტემით ტარდება. შეჯიბრის შედეგად გამოვლინდება მუნიციპალიტეტის საუკეთესო გუნდი, რომელიც 3000 ლარით დაჯილდოვდება. მეორე ადგილზე გასულ გუნდს 2000 ლარი გადაეცემა, მესამე ადგილოსანი გუნდი კი 1000 ლარს მიიღებს.

გორის მუნიციპალიტეტის პირველობის გამარჯვებული გუნდი რეგიონის სხვა მუნიციპალიტეტების (კასპი, ხაშური, ქარელი) გამარჯვებულ გუნდებთან ერთად, რეგიონში საუკეთესოს ტიტულის მოსაპოვებლად იბრძოლებს.

ცნობისთვის, ტურნირი გორის მუნიციპალიტეტის მერიის ორგანიზებით იმართება. შეჯიბრება „შიდა ქართლის სპორტული თამაშები 2023“-ის ფარგლებში ტარდება.