კულტურა
12.07.2023 12:19
ხალხური ცეკვის ანსამბლი „გორი“ ესპანეთში გამართულ სხვადასხვა ფოლკლორულ ფესტივალში მონაწილეობს
გორის მუნიციპალიტეტის კულტურის ხელშეწყობისა და განვითარების სააგენტოსთან არსებული ხალხური ცეკვის ანსამბლი „გორი“ ესპანეთში გამართულ სხვადასხვა ფოლკლორულ ფესტივალში მონაწილეობს.
გორელი ხელოვანები ქალაქ მურსიაში დაგეგმილ ღონისძიებებზე საკუთარ შემოქმედებას წარადგენენ.
გორის მუნიციპალიტეტის მერიის ცნობით, ანსამბლი მსოფლიოს სხვადასხვა ქვეყნის შემოქმედებით ჯგუფებთან ერთად, ესპანეთის რამდენიმე ქალაქში გამართულ 11 კონცერტში უკვე მონაწილეობდა და განსაკუთრებული მოწონებაც დაიმსახურა.
„გორელი ხელოვანები ესპანეთის ქალაქ მურსიაში დაგეგმილ კიდევ რამდენიმე კონცერტზე წარადგენენ საკუთარ შემოქმედებას. აღნიშნულ საერთაშორისო ფესტივალებზე ანსამბლის ყველა გამოსვლამ განსაკუთრებული მოწონება დაიმსახურა“, - აღნიშნულია ინფორმაციაში.
