ზაფხულის პერიოდში, გორის ცენტრალური  ქუჩები სპეციალური მანქანების საშუალებით, წყლის ჭავლით ირეცხება.

როგორც გორის მუნიციპალიტეტის კეთილმოწყობის სააგენტოში აცხადებენ,  ქუჩების მორწყვა-მორეცხვის სამუშაოების შესრულებას სააგენტოს თანამშრომლები დილის ხუთი საათიდან იწყებენ.

„გორის მაცნეს“ ინფორმაციით, სანიტარულ-ჰიგიენური სამუშაოების განხორციელების პარალელურად, კეთილმოწყობის სამსახურის მიერ აქტიურ რეჟიმში გრძელდება სკვერებში ინვენტარის განახლებაც. დასასვენებელ სივრცეებში იცვლება დაზიანებული ურნები, ლამპიონები და სკამები.