გორის კულტურისა და დასვენების პარკის ტერიტორიაზე ახალი ატრაქციონები განთავსდება. განახლებული გასართობი სივრცე პატარებს „ახალბაღში“ ზაფხულიდან დახვდებათ.
ატრაქციონების შესყიდვის მიზნით, გორის მერიამ ტენდერი უკვე გამოაცხადა, რაც 7 ერთეული ატრაქციონის მიწოდებასა და დამონტაჟებას ითვალისწინებს. 2 ერთეული „კარუსელის“, „მფრინავი სკამების“, 2 ერთეული „ელექრომატარებლის“, „მფრინავი გემისა“ და „მოძრავი კალათის“ შესყიდვის სავარაუდო ღირებულება 800 ათასი ლარია. გარდა ამისა, იგეგმება ავტდორომის რეაბილიტაცია და ძველი საბავშვო მანქანების ახლებით ჩანაცვლება.
კულტურისა და დასვენების პარკის საბავშვო-გასართობი სივრცის განახლებისთვის თანხა ადგილობრივი ბიუჯეტიდან გამოიყო.