დღეს, 23 ივნისს, საერთაშორისო ოლიმპიური დღეა. თარიღი საერთაშორისო ოლიმპიური კომიტეტის დაფუძნებას უკავშირდება. საქართველოში ოლიმპიზმის დღისადმი მიძღვნილი ღონისძიებები 1994 წლიდან, მას შემდეგ იმართება, რაც საქართველოს ეროვნულმა ოლიმპიურმა კომიტეტმა საერთაშორისო აღიარება მოიპოვა.

აღსანიშნავია, რომ ოლიმპიადის სიმბოლოდ დღემდე რჩება კუბერტენის მიერ ოლიმპიური კომიტეტისთვის შეთავაზებული სიმბოლიკა: დროშაზე გამოსახული, ხუთი სხვადასხვა ფერის რგოლი.

გვრცელებული მოსაზრების თანახმად, თითოეული რგოლი განასახიერებს დედამიწის თითოეულ დასახლებულ კონტინენტს, რომელიც ოლიმპიადაში იღებს მონაწილეობას. ამასთან, შემთხვევითი არც ფერებია — ამ ფერებიდან ერთ-ერთი მაინც, ყველა ქვეყნის დროშაზეა გამოყენებული.

ცნობისთვის, დღემდე საქართველოს 37 ოლიმპიური ჩემპიონი ჰყავს.