წყალ­ქვე­შა ნავი ,,ტი­ტა­ნი“, რომელმაც სტარტი 18 ივნისს აიღო ატ­ლან­ტის ოკე­ა­ნის ფსკერ­ზე, 1912 წელს, აისბერგთან შეჯახების შედეგად დაღუპული ,,ტი­ტა­ნი­კის" ნამ­სხვრე­ვე­ბის სა­ნა­ხა­ვად ხუთი ადა­მი­ა­ნი გა­დაჰ­ყავ­და, უგზო-უკვლოდ და­ი­კარ­გა. რაც შეეხება ეკიპაჟთან კონტაქტს, ნავ­თან კონ­ტაქ­ტი სტარტის აღებიდან და­ახ­ლო­ე­ბით 1 სა­ა­თი­სა და 45 წუ­თის შემ­დეგ და­იკარგა.

,,ტი­ტა­ნის" ბორტზე იმ­ყო­ფე­ბოდ­ნენ ბრი­ტა­ნე­ლი მი­ლი­არ­დე­რი ჰა­მიშ ჰარ­დინ­გი, პა­კის­ტა­ნე­ლი ბიზ­ნეს­მე­ნი შაჰზა­და და­ვუ­დი და მისი ვაჟი, OceanGate Expeditions-ის დამ­ფუძ­ნე­ბე­ლი და აღ­მას­რუ­ლე­ბე­ლი დი­რექ­ტო­რი სტო­კტონ რაში და ფრან­გი წყალ­ქვე­შა პი­ლო­ტი პოლ-ანრი ნარ­გე­ო­ლე.

დაკარგული მცურავი მოწყობილობის სამძებრო სამუშაოებში უამრავ სამაშველო ხომალდსა და თვითმფრინავთან ერთად, 22 ივნისიდან ჩართული იყო დისტანციურად მართვადი აპარატიც.

სამ­ძებ­რო და სა­მაშ­ვე­ლო ჯგუ­ფე­ბი დაკარგულ ეკიპაჟს 3 დღის განმავლობაში ეძე­ბდნენ.

მნიშვნელოვანია, რომ ნავში ჟანგბადის მარაგი მხოლოდ 96 საათზე იყო გათვლილი.

აშშ-ის სა­ნა­პი­რო დაც­ვის ოლ­ქის მე­თა­უ­რი, ჯონ მა­უ­გე­რი ამ­ბობს, რომ დის­ტან­ცი­უ­რად მარ­თულ­მა ტექ­ნი­კამ ჩა­ძი­რუ­ლი ,,ტი­ტა­ნი­კის" ერთ-ერთ ნა­წილ­თან ახ­ლოს წყალ­ქვე­შა ნა­ვის, ,,ტი­ტა­ნის" კუ­დის კო­ნუ­სი და­ა­ფიქ­სი­რა. ინფორმაცია ამერიკის შეერთებული შტატების სანაპირო დაცვის სამსახურის წარმომადგენელმაც დაადასტურა.

ამ დროისთვის არსებული ინფორმაციით, ,,ტი­ტა­ნი­კის" ნამ­სხვრე­ვე­ბის სა­ნა­ხა­ვად ექ­სპე­დი­ცი­ა­ში წა­სუ­ლი ტუ­რის­ტუ­ლი წყალ­ქვე­შა ნავის ეკიპაჟის ხუთივე წევრი დაიღუპა. ტრაგედია ,,ტიტანიკთან" 487 მეტრში მოხდა.

ცნობისთვის, ,,ტი­ტა­ნი“ წყალ­ქვე­შა კვლე­ვი­თი მო­წყო­ბი­ლო­ბაა, რო­მელ­საც კერძო კომპანია OceanGate -ი ფლობს და მარ­თავს. ის გან­კუთ­ვნი­ლია ხუ­თამ­დე ადა­მი­ა­ნის გა­და­საყ­ვა­ნად, რო­მე­ლიც რო­გორც წესი, შედ­გე­ბა პი­ლო­ტი­სა და ეკი­პა­ჟის ოთხი წევ­რი­სა­გან. შექ­მნი­ლია 13,123 ფუ­ტის (4,000 მეტ­რის) სიღ­რმე­ში ჩა­სას­ვლე­ლად. ხო­მალ­დი 22 ფუ­ტის (6,7 მ.) სიგ­რძი­საა და და­ახ­ლო­ე­ბით, 10 400 კი­ლოგ­რამს იწო­ნის. წყალქვეშა მოწყობილობას არ გააჩნია საჭე და ის სპეციალური ჯოისტიკით იმართება.

წყალ­ქვე­შა მო­წყო­ბი­ლო­ბა გა­რე­დან და­ხუ­რუ­ლია, რაც იმას ნიშ­ნავს, რომ ეკი­პა­ჟის წევ­რებს მისი შიგ­ნი­დან გახ­სნის სა­შუ­ა­ლე­ბა არ აქვთ. გა­რე­დან და­მონ­ტა­ჟე­ბუ­ლი კა­მე­რე­ბის საშუალებით, ოკე­ა­ნის ფსკე­რის დათ­ვა­ლი­ე­რე­ბაა შე­საძლებელი.

მეცნიერები და ექსპერტების ,,ტიტანის“ კატასტროფის რამდენიმე ვერსიას განიხილავენ, სიდ­ნე­ის უნი­ვერ­სი­ტე­ტის სა­ვე­ლე რო­ბო­ტი­კის ავ­სტრა­ლი­უ­რი ცენ­ტრის პრო­ფე­სო­რი ვა­რა­უ­დობს, რომ შესაძლოა, მოწყობილობამ წყლის წნე­ვას ვერ გა­უძ­ლო, რა შემთხვევაშიც არ­სე­ბობს აფეთ­ქე­ბის რის­კი, უი­ლი­ამ­სი არც იმას გამორიცხავს, რომ შე­საძ­ლოა, ბორტზე ხან­ძა­რი გა­ჩე­ნი­ლი­ყო. განიხილება წყალქვეშა მოწყობილობის თუნუქის ქილასავით შეკუმშვის ვერსიაც.

მსოფლიო საზოგადოება, ვინც თვალს ადევნებს ,,ტიტანის“ გაუჩინარებასთან დაკავშირებულ ინფორმაციას, ცალსახად სვამს კითხვას - იცოდნენ თუ არა მგზავრებმა შესაძლო საფრთხის შესახებ. როგორც ირკვევა, ეკიპაჟის წევრები აღნიშნულის თაობაზე ინფორმირებულები იყვნენ, ვინაიდან ექ­სპე­დი­ცი­ა­ში გა­სა­წევ­რი­ა­ნებ­ლად თითოეულს  ხელი უნდა მო­ე­წე­რა დო­კუ­მენტზე, სადაც აღნიშნული იყო შემდეგი: ,,ეს ექ­სპე­რი­მენ­ტუ­ლი ხო­მალ­დი არ არის დამ­ტკი­ცე­ბუ­ლი ან და­მოწ­მე­ბუ­ლი რო­მე­ლი­მე მა­რე­გუ­ლი­რე­ბე­ლი ორ­გა­ნოს მიერ და შე­იძ­ლე­ბა გა­მო­იწ­ვი­ოს ფი­ზი­კუ­რი და­ზი­ა­ნე­ბა, ემო­ცი­უ­რი ტრავ­მა, ან სიკ­ვდი­ლი“.

ძვირადღირებულ ექსპედიციაში წასული მილიარდერი ტურისტების შესახებ არაოფიციალური წყაროებით არაერთი ვერსია ვრცელდება, მათ შორის ისიც, რომ შესაძლოა, მათ გაუჩინარება გაითამაშეს. აშშ-ის სანაპირო დაცვა ,,ტიტანის“ გაუჩინარებასთან დაკავშირებით დღეს სპეციალურ ბრიფინგს გეგმავს.

,,ტიტანით“ ექსკურსიაზე ერთი ადგილი 250 ათასი დოლარი ღირს, შესაბამისად, ეკიპაჟის თითოეულ წევს სწორედ აღნიშნული თანხა ჰქონდა გადახდილი ამ ექსპედიციაში მონაწილეობისთვის.

ამ დროისთვის დაუზუსტებელია დეტალები, რა ბედი ეწია ,,ტიტანის“ ხუთ მგზავრს.

58 წლის ბრიტანელი მილიარდერი ჰემიშ ჰარდინგი, რომელიც გინესის რეკორდების წიგნში სამჯერ მოხვდა. 2021 წელს იმისთვის, რომ მარიანას ღრმულის ფსკერზე, 11 ათასი მეტრის სიღრმეზე ჩავიდა, იქ 4 საათი და 15 წუთი გაატარა.

48 წლის პაკისტანელი ბიზნესმენი შახზადა დავუდი, ქვეყნის ერთ-ერთი უმდიდრესი ადამიანი. მასთან ერთადაა მისი 19 წლის შვილი, სულემანი.

61 წლის სტოკტონ რაში, OceanGate-ის დამფუძნებელი და კაპიტანი, რომლის მეუღლე - ვენდი რაში 1912 წელს, ,,ტიტანიკზე” დაღუპული მაგ­ნა­ტე­ბის, ისი­დორ და იდა შტრა­უ­სე­ბის შვილთაშვილია. შტრაუსები ,,ტი­ტა­ნი­კის" პირ­ვე­ლი კლა­სის მგზავ­რე­ბი იყ­ვნენ.

77 წლის ფრანგი მკვლევარი, პოლ-ანრი ნარჟოლე. ნარჟოლესთვის ეს ,,ტიტანიკთან” 36-ე ჩასვლა იყო.