გორის მუნიციპალიტეტის მერის ვლადიმერ ხინჩეგაშვილის ინიციატივით, ბაკურიანის საზაფხულო ბანაკი გორელ ახალგაზრდებს წელსაც უმასპინძლებს.

ადგილობრივი თვითმმართველობის ინფორმაციით, „საზაფხულო ბანაკი 2023“ - ში მონაწილეობის მისაღებად, ბაკურიანში 150-მდე ახალგაზრდა გაემგზავრება.

პროექტში ჩართვას გორის მუნიციპალიტეტში რეგისტრირებული 16-20 წლის  ასაკის ახალგაზრდები შეძლებენ.

ბანაკის წევრებს ჩაუტარდებათ ტრენინგები შემდეგი თემებზე: ემოციების მართვა, ეფექტური კომუნიკაცია; პროფესიული ორიენტაცია, კარიერის დაგეგმვა; ადგილობრივი თვითმმართველობა, სამოქალაქო აქტივიზმი, ადვოკატირება; პროექტების წერა; ემოციური კაპიტალი.  პროექტის ფარგლებში, ასევე, დაგეგმილია შემეცნებითი, კულტურული, სპორტული და გასართობი აქტივობებიც.

პროექტში მონაწილეობის მისაღებად, ახალგაზრდები ბაკურიანში სამ ნაკადად გაემგზავრებიან  და საზაფხულო ბანაკში 5 დღე დარჩებიან.

პროექტი ადგილობრივი ბიუჯეტიდან ფინანსდება.

დაინტერესებულმა პირებმა დამატებითი ინფორმაციისთვის უნდა დარეკონ ნომერზე: 599 85 17 47