გორის მუნიციპალიტეტის მერი ვლადიმერ ხინჩეგაშვილი ადგილობრივი ხელისუფლების წარმომადგენლებთან ერთად, კარალეთის დევნილთა დასახლებაში სპორტული მოედნის მოწყობის სამუშაოებს ადგილზე გაეცნო.
ხელოვნურსაფარიანი მინი სტადიონი გორის მერიის ადგილობრივი ბიუჯეტიდან ფინანსდება და მისი ღირებულება 114 000 ლარია.
უნდა აღინიშნოს ისიც, რომ უკვე დასრულდა სპორტული მოედნის მოწყობა საოკუპაციო ხაზის მიმდებარე სოფელ არბოში. სპორტულ მოედანზე მოეწყო როგორც ფეხბურთის კარები, ასევე კალათბურთის ფარები. პროექტი ადგილობრივი მოსახლეობის მოთხოვნით, სამოქალაქო ბიუჯეტის ფარგლებში განხორციელდა.
„ჯანსაღი ცხოვრების წესის კიდევ უფრო მეტად პოპულარიზაციის მიზნითა და მოსახლეობის მოთხოვნით, გორის მუნიციპალიტეტში სპორტული მოედნების მოწყობა აქტიურად მიმდინარეობს“, - აღნიშნულია გორის მუნიციპალიტეტის მერიის მიერ გავრცელებულ ინფორმაციაში.
გორში ნალექია მოსალოდნელი ღამის 3-დან დილის 5 საათამდე და ასევე წვიმაა ნავარაუდევი 24 აგვისტოს დღის მეორე ნახევარში
ვიწყებთ „ქართული ოცნების“ მიზნებისა და ამოცანების საზოგადოებისთვის გაცნობას - მხოლოდ მშვიდობით, ღირსებით, კეთილდღეობით ევროპისკენ