უმცროსი ასაკის სპორტსმენთა შორის გამართულ საერთაშორისო ტურნირზე თავისუფალ ჭიდაობაში, შოთა ჩოჩიშვილის სახელობის გორის კომპლექსური სპორტული სკოლის სპორტსმენებმა 10 მედალი მოიპოვეს.

გორელთაგან შეჯიბრების გამარჯვებული გიორგი სომხიშვილი (26 კგ.), გიორგი კურტანიძე (44 კგ.) და ამირან გერმანოზიშვილი (57 კგ.) გახდა.

რაც შეეხება ბრინჯაოს მედალს, მას შალვა ბარამაშვილი (26 კგ.), ნიკოლოზ გაგლოშვილი (29 კგ.), გიორგი ქარელი (38 კგ.), საბა ბითარაშვილი (44 კგ.), ერეკლე ქართველიშვილი (44 კგ.), ზუკა დოთიაშვილი (62 კგ.) და ავთანდილ კახნიაშვილი (76 კგ.) დაეუფლნენ.

მოპოვებული შედეგების მიხედვით, გორელებმა გუნდური პირველი ადგილიც დაიკავეს.

ცნობისთვის, ტურნირს ბაღდათმა უმასპინძლა.