გარემოს ეროვნული სააგენტოს ცნობით, უახლოესი 10 დღის განმავლობაში გორის მუნიციპალიტეტში ცვალებადი ამინდია მოსალოდნელი.

სინოპტიკოსების ცნობით, 30 მაისს, ღამის საათებში ნალექია მოსალოდნელი, წვიმაა ნავარაუდევი დღისითაც - 12 საათიდან 16 საათამდე, ჰაერის მაქსიმალური ტემპერატურა კი +24 გრადუსს მიაღწევს.

14 საათიდან ნალექია მოსალოდნელი გორში 31 მაისსაც, ჰაერი კი +23 გრადუსამდე გათბება.

პერიოდულად მცირე წვიმა და +24 გრადუსია ნავარაუდევი გორის მუნიციპალიტეტში 1-ელ ივნისს.

ცვალებადი მოღრუბლულობა და პერიოდულად ნალექი - წვიმა და ელჭექი შენარჩუნდება გორში 7 ივნისის ჩათვლით.