კულტურა
25.05.2023 11:45
საგუნდო კოლექტივების VII ეროვნულ კონკურსში გორელებმა გრან-პრი და ვერცხლის მედალი დაიმსახურეს
ბავშვთა და ახალგაზრდული საგუნდო კოლექტივების VII ეროვნული კონკურსი დამთავრდა.
ღონისძიებაში მონაწილეობა საქართველოს ყველა რეგიონის საგუნდო კოლექტივებმა მიიღეს და ჟიურის შედეგებიც ცნობილია.
კონკურსის ორგანიზატორების ინფორმაციით, ჟიურის გადაწყვეტილებით, ზოგიერთ ქვეკატეგორიაში გაიყო საპრიზო ადგილები, ზოგიერთ შემთხვევაში კი - არ გაიცა.
კონკურსში მონაწილეობა გორის სულხან ცინცაძის სამუსიკო სემინარიის გოგონათა გუნდმა მიიღო და მეშვიდე ეროვნული კონკურსის გრან-პრის მფლობელი გახდა, ასევე, გაიმარჯვა ნომინაციაში - ,,ქართული სიმღერის საუკეთესო შესრულებისთვის''.
შეფასების სხვადასხვა კრიტერიუმის მიხედვით, პირველი ადგილი და ვერცხლის მედალი დაიმსახურა ამავე სამუსიკო სემინარიის უმცროსკლასელთა გუნდმაც.
აღსანიშნავია, რომ ორივე გუნდს ნინო წიკლაური ხელმძღვანელობს. ნინო წიკლაური ნომინაციის - ,,საუკეთესო დირიჟორი, ქორმაისტერი'' - გამარჯვებული გახდა.
