ეროვნული ლიგა 1–ს დაწყებამდე ერთი თვეც აღარაა დარჩენილი, გუნდები ჩემპიონატის სტარტისთვის ემზადებიან,  სამზადისშია გორის ,,დილაც".

გორელებმა დღეს ამხანაგურ მატჩში შინ,  დუშეთის ,,არაგვს" უმასპინძლეს და პაექრობა ფრედ  - 1:1 დაასრულეს.

აღსანიშნავია, რომ ორივე გუნდიდან გოლები ლეგიონერებმა გაიტანეს.

პირველი გოლი გორელების კარში გავიდა. მატჩის დებიუტში, მე–6 წუთზე, დუშელები ლუკასმა დააწინაურა.

საპასუხო გოლი კი, ,,დილამ" მატჩის მიწურულს, 79–ე წუთზე შეაგდო. მასპინძელთაგან თავი გამოიჩინა მიკოლა კოვტალიუკმა.

გაგაცნობთ გუნდების სასტარტო შემადგენლობებს:

დილა: გუგეშაშვილი, მაისაშვილი, ჩიტეიშვილი, ბალგოუ, გიორბელიძე, გაგნიძე, მარკოზაშვილი, კულიბალი, ბიძინაშვილი, სპანდერაშვილი, კოვტალიუკი

,,არაგვი": მუჯრიშვილი, ლუკასი, ბრენდო, ცერცვაძე, ჯინჭარაშვილი, ქათამაძე, აფხაზავა, მეტრეველი, ქანთარია, ხინთიბიძე, ვარდიაშვილი.