საქართველოს ნაკრების მთავარმა მწვრთნელმა თავისუფალ ჭიდაობაში გიორგი იანტბელიძემ ის შემადგენლობა დაასახელა, რომელიც ჭიდაობის მოახლოებულ ევროპის ჩემპიონატზე საქართველოს სახელით იასპარეზებს. გორიდან, კონტინენტის პირველობისთვის ლადო ხინჩეგაშვილი (65 კგ) და გენო პეტრიაშვილი (მძიმე წონა) იბრძოლებენ.

ევროპის ჩემპიონატი 10-16 თებერვალს რომში გაიმართება.  

შეგახსენებთ, რომ ლადო ხინჩეგაშვილი ევროპის ჩემპიონატის ოქროს მედლის სამგზის მფლობელია, გენო პეტრიაშვილს კი, ეს ტიტული ერთხელ აქვს მოპოვებული. გარდა ამისა, ხინჩეგაშვილი მსოფლიოს ერთგზის ჩემპიონია, პეტრიაშვილი - სამგზის. რაც შეეხება ოლიმპიურ შედეგებს, ლადო ხინჩეგაშვილი ერთხელ ჩემპიონი, ერთხელაც ვერცხლის მედლის მფლობელი გახდა, გენო პეტრიაშვილს კი, ჯერჯერობით ერთ ოლიმპიადაზე აქვს მონაწილეობა მიღებული და იგი ბრინჯაოს მედლით დაასრულა.